جمعت بين محمد ود علي وألشاعر أدم ود ألبشير ود سند جلست أنس بسوق قرية ألسديره يتجازبان أطراف ألحديث عن ألشعر وطلب ألشاعر محمد من ادم ود ألبشير أن يتجه نظمهما لحديث ألنفس وألوعظ وألمديح بسبب كبر ألسن ودنو أجلهما وكان بالقرب منهما بعض الشباب فتدخلوا معترضين علي ذلك  وقالوا لهما وفي صورة دعابه نحن مكفينا شيخ أبراهيم ود معوده في الوعظ ولا نسمح لكما بان تتركا شعر الغزل0ولكن بعد ذلك جاءت الرباعيات وعظاً وحثاً للجميع علي عمل ألتقوي وإلإستقامه000

محمد ود علي قال

يا ود ألبشير كلم قلوبنا القافله

ركعات ليل وتوبه وملحقات بانافله

خلنا نترك الآمال وطرد ألجافله

ما شفت ألمسافر لا جمل لا حافله

أدم ود ألبشير قالو

طرد ألجافله وألغزل ألبغني عليهو

قلنا نسي مديح قرينَا أبي يخليهو

اول نعمر البيت الوجهنا عليهو

العشواوي دا سكنت متاعما فيهو

محمد ود علي قال

ألبهم ألبمرقن بالطليح اماتو

أبت اللجنه تمضي علي ترك نماتو

كان في فايده فازوبوا ألجاعه الفاتنو

يا ود البشير ريحنا من حركاتو

أدم ود البشير  قالو

ناس اللجنه قالو نزيهونمك رايق

وكلامك فوقن البتجيبو كلو حقائق

تركك لنميمن خافو منو عوائق

      بوليس سرهن كل يوم بجيك موايق

محمد ودعلي قال

لي جدي ألعسين التورو الابالي

رموا سيطانن إلإقطاعي وألإجمالي

لي الظبي البجادع بالقنوب العالي

رفوا رفيف علي ما سوموا الدلالي

ادم ود البشير قالو

انا يا محمد البهديلو دمي ومالي

جديع نمو طرف بي وعدمزمالي

من الدرسو جيد وإمتحن للعالي

انا المقتول لكن قيس كتل قبالي